គ្រូជម្រើសជាតិ៖ ពីពេលនេះតទៅមានកីឡាករប្រជែងសមត្ថភាព...............

នៅព្រឹកថ្ងៃទី ២៩ ខែ ឧសភា ឆ្នាំ ២០១៧ អំឡុងប្រកាសបញ្ជីឈ្មោះកីឡាករជម្រើសជាតិកម្ពុជា ទាំង ២៥រូប យើងសង្គេតឃើញថា វត្តមានកីឡាករពីតាមបណ្តាក្លិបជាច្រើន​ត្រូវបានកោះហៅឲ្យចូលរួម ក្នុងនោះមានកីឡាករចាស់ៗ ដូចជា កែវ សុខង៉ន នួន បូរី និង ម៉ាណូរូទីន ត្រូវបានបន្ថែមនៅតំបន់ប្រយុទ្ធជាមួយ​នឹងឃួន ឡាបូរ៉ាវី និងកែវ សុខផេង។

លោក Leonardo Vitorino បានបញ្ជាក់យ៉ាងច្បាស់ថា ការវិលត្រឡប់មកវិញរបស់កីឡាករ កែវ សុខង៉ន ដោយសារតែការខិតខំប្រឹងប្រែង និងបង្ហាញទម្រង់លេងយ៉ាងល្អ​ក្នុងការប្រកួតលីគកំពូលកម្ពុជាកន្លងមក ជាពិសេសជំនួបទល់នឹងបឹងកេតកាលពីពាក់កណ្តាលសប្តាហ៍មុន ។ កត្តាទាំងនេះនឹងធ្វើឲ្យខ្សែប្រយុទ្ធ ចាស់វស្សា ឃួន ឡាបូរ៉ាវី មានដៃគូ​ប្រកួតប្រជែងសមត្ថភាពគ្នាហើយ ។